Zeal study official school morning prayer activities பள்ளி காலை வழிபாட்டு செயல்பாடுகள் - 16.10.2026

  Zeal study official school morning prayer activities

பள்ளி காலை வழிபாட்டு செயல்பாடுகள் - 16.10.2026

திருக்குறள்:

குறள் 981:

கடனென்ப நல்லவை யெல்லாம் கடனறிந்து
சான்றாண்மை மேற்கொள் பவர்க்கு

உரை:

கடமை இவை என்று அறிந்து சான்றான்மை மேற்கொண்டு நடப்பவர்க்கு நல்லவை எல்லாம் இயல்பான கடமை என்று கூறுவர்.

பழமொழி :
Effort never goes unrewarded.

முயற்சி ஒருபோதும் வீணாகாது.

இரண்டொழுக்க பண்புகள் :

1.உழைக்கப் பழகியவர் எங்கு இருந்தாலும் உயர்ந்த நிலையை அடைவர்

2.எனவே எப்போதும் உழைப்பை நாடுவேன்.

பொன்மொழி :

நான் இன்று வாழ்வதற்கு என் தந்தைக்குக் கடமைப்பட்டுள்ளேன் .நான் இன்று நன்றாக வாழ்வதற்கு எனது ஆசிரியருக்கு கடமைப்பட்டுள்ளேன்- மாவீரன் அலெக்சாண்டர்

பொது அறிவு :

01.செவாலியர் விருதை வழங்கும் நாடு எது?

பிரான்ஸ் -France

02.தமிழ்நாடு சட்டமன்றத்தின் முதல் சபாநாயகர் யார்?

J.சிவ சண்முகம் -J. Sivashanmugam
English words :

Gorgeous-beautiful

Enormous-huge

தமிழ் இலக்கணம்:

இடைச்சொல்: பெயர்ச்சொற்களுக்கும் வினைச்சொற்களுக்கும் இடையில் வந்து பொருள் தருபவை. இடைச்சொற்கள் தனித்து நிற்காமல், பெயர்ச்சொல் அல்லது வினைச்சொல்லின் துணையோடு வரும்.
ஏ, ஓ, உம், தான், இன், கு, உடைய, ஆனால், போல, மற்று ஆகியவை இடைச்சொல் ஆகும்
எ.கா

1. அவனுக்கு கொடுத்தான்

2. மேலே வந்தான்

அறிவியல் களஞ்சியம் :

வட்டமாக, மிக வேகமாகச் சுற்றுபவன் திடீரென நின்றால் பொதுவாகத் தலைசுற்றி மயக்கம் ஏற்படும். சமச்சீரைக் கட்டுப்படுத்தும் காதின் உட்பகுதியிலுள்ள உணர்ச்சி நீர்மம் (Sensitive liquid) உடல் சுற்றுவது நின்றபிறகும் தொடர்ந்து சுற்றிக் கொண்டுள்ளது. ஆகையால் சுற்றுப்புறப் பொருள்கள் இன்னும் சுற்றிக் கொண்டிருப்பதாக அல்லது ஓடிக்கொண்டிருப்பதாகத் தோன்றுகின்றன. ஆயினும் சில விநாடிகளுக்குள் அந்த நீர்ம நெகிழ்பொருள் சமன் அடைந்து சரியாகிவிடுகிறது.

அக்டோபர் 16

உலக உணவு நாள் (World Food Day)

உலக உணவு நாள் (World Food Day) ஆண்டு தோறும் அக்டோபர் 16 ஆம் நாளன்று உலக நாடுகளில் கொண்டாடப்படுகிறது. 1945 ஆம் ஆண்டில் இதே நாளில் ஐக்கிய நாடுகள் நிறுவனத்தின் ஐக்கிய நாடுகளின் உணவு மற்றும் வேளாண்மை அமைப்பு ஆரம்பிக்கப்பட்டதை நினைவு கூர ஐநா இந்நாளைச் சிறப்பு நாளாக அறிவித்தது. நவம்பர் 1979 ஆம் ஆண்டில் இவ்வமைப்பின் 20வது பொது மாநாட்டில் இதற்கான அறிவிப்பு வெளியிடப்பட்டது. ஹங்கேரியின் முன்னாள் வெளிநாட்டமைச்சர் பால் ரொமானி என்பவரின் முன்முயற்சியினால் இத்தீர்மானம் ஏகமனதாக ஏற்கப்பட்டு தற்போது 150ற்கும் அதிகமான நாடுகளில் இந்நாள் கொண்டாடப்படுகிறது.

2008 ஆம் ஆண்டிற்கான உலக உணவு நாளின் கருப்பொருள் "உலக உணவுப் பாதுகாப்பு: காலநிலை மாற்றம் மற்றும் உயிரியல் ஆற்றலுக்கான சவால்கள்" என்பதாகும்.

நீதிக்கதை

சோதனை

ஒரு ஊரில் கணேசன் என்பவர் இருந்தார். அவருக்கு சிவா என்று ஒரு மகன் இருந்தான். அவன் கல்லூரிப் படிப்பை முடித்து விட்டு சொந்தமாக சுயதொழில் செய்து வந்தான். ஆரம்பத்தில் அவன் செய்த தொழிலில் நல்ல முன்னேற்றம் காணப்பட்டது. இப்படியே சில மாதங்கள் கடந்தன. திடீரென அவன் செய்த தொழிலில் மந்தமான போக்கு ஏற்பட்டு பெரும் நஷ்டம் அடைந்தான். எனவே என்ன செய்வது என்று புரியாமல் மிகுந்த மனச்சோர்வுடன் காணப்பட்டான்.

தன் மகனின் சூழ்நிலையைக் கண்ட கணேசன், மகனை அழைத்துக் கொண்டு வேகமாக சமையலறைக்குள் சென்றார். சமையலறையில் இருந்து மூன்று பாத்திரங்களை எடுத்தார். ஒரு பாத்திரத்தில் தண்ணீரை ஊற்றி ஒரு உருளைக்கிழங்கையும், இரண்டாவது பாத்திரத்தில் தண்ணீரை ஊற்றி ஒரு முட்டையையும் போட்டு ஒவ்வொன்றாக அடுப்பில் வைத்து வேக வைத்தார். உருளைக்கிழங்கும், முட்டையும் நன்கு வெந்ததும், இரண்டையும் தனியே எடுத்து வைத்துக் கொண்டார்.

பிறகு மூன்றாவது பாத்திரத்தில் தண்ணீரை ஊற்றி, அதில் டீத்தூளை கலந்து அடுப்பில் வைத்தார். சூடான டீ தயார் ஆனது. சூடான டீயுடன் சிறிது சர்க்கரை சேர்த்து ஒரு காபி கப்பில் ஊற்றி சூடாக தன் மகனுக்கு கொடுத்தார். சிவாவும், அப்பா கொடுத்த டீயை வாங்கிப் பருகினான். அப்போது கணேசன் தன் மகனிடம் கேட்டார். சிவா! நீ இப்போது நன்றாக வெந்துள்ள உருளைக்கிழங்கு போன்றவனா? அல்லது முட்டையைப் போன்றவனா? அல்லது டீத்தூளைப் போன்றவனா? சிந்தித்துப் பார்த்து பதில் சொல் என்றார்.

அதற்கு சிவா, அப்பா! எனக்கு ஒன்றும் புரியவில்லை என்றான். அதற்கு கணேசன், உருளைக்கிழங்கு, முட்டை, டீத்தூள் ஆகிய மூன்று பொருட்களும் ஒரே எதிரியாகிய கொதிக்கும் தண்ணீரைத்தான் சந்தித்தன. அதில் முட்டையானது, தனது கடினமான வெளித்தோலில் எந்த மாற்றத்தையும் காட்டாமல் இருந்தாலும், தனக்குள் இருந்த கருவை கடினமாக்கிவிட்டது. உருளைக்கிழங்கோ, கொதிக்கும் தண்ணீரில் இளகிப் பலவீனப்பட்டுவிட்டது. ஆனால், டீத்தூளோ வெந்நீரை மணமுள்ளதாக்கி சுவையானதாக மாற்றிவிட்டது.

இந்த முட்டை, உருளைக்கிழங்கு மற்றும் டீத்தூளைப் போலத்தான் மனிதர்களில், ஒரு சிலர் எந்தக் கஷ்டம் வந்தாலும் அதைத் தாம் முன்னேறுவதற்கு வந்த வாய்ப்பாக மனமுவந்து சந்தித்து, சோதனைகளை டீத்தூள் போன்று சாதனைகளாக மாற்றுகின்றார்கள். அதைப்போல் ஒரு சிலர் தங்களுடைய கஷ்ட நஷ்டங்களை வெளிகாட்டாமல் முட்டை போல தோற்றமளித்தாலும் உள்ளே மனதளவில் விரக்தியடைந்து விடுகின்றார்கள். வேறு சிலர் உருளைக்கிழங்கு போல துன்பங்களில் தம்மைக் கரைத்துக் கொண்டு மனத்தோற்றம், வெளித்தோற்றம் ஆகிய இரண்டிலும் கோழைகளாகி விடுகின்றனர். இப்போது என் கேள்வி உனக்கு புரிகிறதா? என்று சிவாவிடம் கணேசன் கேட்டார்.

அதற்கு சிவா, அப்பா இனி நான் டீத்தூளைப் போன்றவன் என்று உற்சாகமாகப் பதில் சொன்னான். இன்று முதல் நான் டீத்தூளைப் போலவே எந்தக் கஷ்டம் வந்தாலும், அதை நான் முன்னேறுவதற்கு வந்த வாய்ப்பாக மனமுவந்து சந்தித்து, சோதனைகளை டீத்தூள் போன்று சாதனைகளாக மாற்றிக் கொண்டு வாழ்வேன் என்று உற்சாகத்துடனும், மகிழ்ச்சியுடனும் கூறினான். சிவா கூறியது போலவே புத்துணர்ச்சியுடன் தொழிலில் லாபம் பெற என்ன செய்ய வேண்டும், என்ன யுக்திகளை கையாள வேண்டும் என்று சிந்தித்து, அதை தொழிலில் புகுத்தி செயல்பட ஆரம்பித்தான். சில மாதங்களிலேயே அவன் செய்து வந்த சுயதொழிலில் நல்ல முன்னேற்றம் ஏற்பட்டது.

நீதி : சோதனையை சாதனைகளாக மாற்ற முயல வேண்டும்.

இன்றைய செய்திகள்

16.10.2026

 மாணவர்களின் செயல்முறை கற்றலை மேம்படுத்தும் நோக்கில், அனைத்து பள்ளிகளிலும் கணினி அறிவியல், செயற்கை நுண்ணறிவு (AI) மற்றும் தொழிற்கல்வி பயிற்சிகளை விரிவுபடுத்த கல்வித்துறை முன்னுரிமை அளித்து வருகிறது.

கல்வி உதவித்தொகை வழிகாட்டல்: மத்திய, மாநில அரசுகளின் தகுதி அடிப்படையிலான கல்வி உதவித்தொகைகளுக்கு விண்ணப்பித்துள்ள மாணவ, மாணவிகள் தங்களது சான்றிதழ் சரிபார்ப்பு பணிகளை உரிய காலத்திற்குள் முடிக்க அறிவுறுத்தப்பட்டுள்ளனர்.

மாணவர் நல்வாழ்வு மற்றும் யோகா பயிற்சி: பள்ளிகளில் மாணவர்களின் மன அழுத்தத்தைக் குறைத்து நினைவாற்றலை அதிகரிக்க தினசரி யோகா மற்றும் உடற்பயிற்சி நேரங்களை முறையாக நடைமுறைப்படுத்த அறிவுறுத்தப்பட்டுள்ளது.

விளையாட்டுச் செய்திகள்

கிரிக்கெட் கள நிலவரம்: சர்வதேச மற்றும் உள்ளூர் கிரிக்கெட் தொடர்களில் இளம் வீரர்கள் சிறப்பான திறமையை வெளிப்படுத்தி அணியின் வெற்றிக்கு வித்திட்டு வருகின்றனர்.

மாநில அளவிலான பள்ளி விளையாட்டுப் போட்டிகள்: தடகளம், இறகுப்பந்து மற்றும் கூடைப்பந்து போட்டிகளுக்கான மாவட்ட அளவிலான தேர்வுகள் தீவிரமாக நடைபெற்று வருகின்றன; இதில் மாணவர்கள் ஆர்வத்துடன் பங்கேற்று வருகின்றனர்.

கால்பந்து சுற்றுகள்: முன்னணி சர்வதேச லீக் கால்பந்து போட்டிகளில் அணிகள் விறுவிறுப்பான ஆட்டத்தை வெளிப்படுத்தி புள்ளிப்பட்டியலில் முன்னேறி வருகின்றன.

Today headlines 

National Focus on Experiential Learning: The Ministry of Education has reiterated the integration of AI literacy, coding, and hands-on vocational modules in secondary school curriculums across all boards to foster practical problem-solving.

National Scholarship Portal (NSP) Reminder: Students appearing for pre-matric and post-matric merit scholarships are reminded to complete online document verifications ahead of upcoming state-level deadlines.

School Safety & Well-being Drive: State education directorates have urged schools to organize regular mental health awareness sessions and physical activity periods to balance academic preparation.

Sports News

Cricket Updates: Preparations and bilateral series fixtures are underway as national teams fine-tune their squads ahead of upcoming ICC tournament qualifiers and international tours.

School Games Federation of India (SGFI): District-level trials for athletics, badminton, and basketball have commenced across states, encouraging budding student athletes to participate.

International Football: Continental club tournaments and domestic league fixtures saw exciting clashes this week, highlighting teamwork, endurance, and emerging young talent.