Zeal study official school morning prayer activities பள்ளி காலை வழிபாட்டு செயல்பாடுகள் -19.08.2026

 Zeal study official school morning prayer activities

பள்ளி காலை வழிபாட்டு செயல்பாடுகள் -19.08.2026

திருக்குறள்:

பால் : பொருட்பால்

இயல் : அரசியல்

அதிகாரம்:48.வலியறிதல்

குறள் எண்:476

குறள்:

நுனிக்கொம்பர் ஏறினார் அஃதிறந் தூக்கின்
உயிர்க்கிறுதி ஆகி விடும்.

பொருள்:

ஒரு மரத்தின் நுனிக்கொம்பில் ஏறியவர், அதையும் கடந்து மேலே ஏற முனைந்தால், அவருடைய உயிர்க்கு முடிவாக நேர்ந்துவிடும்.

பழமொழி :
Many hands make work light.

கூடி வாழ்ந்தால் கோடி நன்மை.

இரண்டொழுக்க பண்புகள் :.

1. பெரியோருக்கு பணிவதும், பிறருக்கு உதவுவதும் இளைஞருக்கு அழகு என்பதை நான் அறிவேன்.

2.கல்வி ஒன்றே என்னை உயர்த்தும். எனவே நன்கு படிப்பேன் .

பொன்மொழி :

கற்றுக் கொள், திறனை வளர்த்துக் கொள்; எதிர்காலத்தை நீயே உருவாக்கிக் கொள்.

Thought for the Day :

Your talent becomes your strength when you train it with practice.

பொது அறிவு :

1. மாற்றுத்திறனாளிக்களுக்காக அரும்பணியாற்றிய சிறந்த கலெக்டருக்கான விருது யாருக்கு வழங்கப்பட்டது?

திரு. தினேஷ் குமார் (கிருஷ்ணகிரி)

2. தமிழக அரசின் சார்பில் சுதந்திர தினத்தன்று சிறந்த மாநகராட்சிக்கான முதல் பரிசு -2026 பெற்ற மாநகராட்சி எது?

கோவை.

English words :

1. Articulate – Able to speak clearly, தெளிவாக பேசக்கூடிய.

2. Innovative – Introducing new ideas, புதுமையான.

புவியியலும் சுற்றுசூழலும் :

பாரன் தீவு அந்தமான் மற்றும் நிக்கோபார் தீவுகளில் அமைந்துள்ளது.அந்தமான் கடலில், போர்ட் பிளேரிலிருந்து சுமார் 135 கி.மீ. வடகிழக்கில் அமைந்துள்ளது.
தீவின் பரப்பளவு சுமார் 8.3 சதுர கிலோமீட்டர்.“Barren” என்ற ஆங்கிலச் சொல் பொதுவாக “வளமற்ற / தாவரங்கள் குறைவான” என்ற பொருளைக் கொண்டது.

NMMS :

MAT

பாண்டிய அரசர்களின் படைத்தளபதிகளின் பட்டங்கள் _______________________

(1) மாறன் - எயினன்

(2) மாறன் - ஆதித்தன்

(3) சாத்தன் - கணபதி

(4) மூர்த்தி - எயினன்

விடை: (2) மாறன் - ஆதித்தன்

ஆகஸ்ட் 19

உலக புகைப்பட நாள்

உலக புகைப்பட நாள் (World photograph day)புகைப்படங்களின் சிறப்பையும், புகைப்படக்காரர்களின் திறமையும் கொண்டாடும் வகையில் ஒவ்வொரு ஆண்டும் ஆகஸ்ட் 19 ஆம் தேதி உலகம் முழுவதும் கொண்டாடப்படுகிறது.

சிறந்த புகைப்படங்களுக்கு ஆண்டு தோறும் பல்வேறு அமைப்புகளால் விருதுகள் வழங்கப்படுகின்றன. பத்திரிக்கை துறையில் சிறந்த புகைப்படங்களுக்கு "வேர்ல்டு பிரஸ் போட்டோ' ,"டைம்' இதழ் மற்றும் புலிட்சர் விருதுகள் வழங்கப்படுகின்றன.

உலக மனிதநேய நாள்

உலக மனிதநேய நாள் (World Humanitarian Day) என்பது மனிதாபிமானப் பணியாளர்களையும், மனிதாபிமான காரணங்களுக்காக தங்களது உயிர்களை இழந்தவர்களையும் நினைவுகூரும் ஒரு நாள் ஆகும்.
நீதிக்கதை

பகிர்ந்தால் பெருகும் மகிழ்ச்சி

ஒரு அழகான கிராமத்தில் அருண் என்ற சிறுவன் வாழ்ந்து வந்தான். அவன் மிகவும் அன்பானவன். ஆனால் தன்னிடம் இருக்கும் பொருட்களை மற்றவர்களுடன் பகிர்ந்து கொள்வதில் அவனுக்கு விருப்பம் இல்லை.

ஒருநாள் பள்ளிக்குச் செல்லும்போது, அவனுடைய தாய் அவனுக்காக ஒரு சுவையான உணவுப் பெட்டியைத் தயாரித்து கொடுத்தாள். அதில் அருணுக்குப் பிடித்த இனிப்பும், பழங்களும் இருந்தன.

மதிய உணவு நேரத்தில் அருண் தனியாக அமர்ந்து உணவைச் சாப்பிடத் தொடங்கினான். அப்போது அருகில் அமர்ந்திருந்த அவனுடைய நண்பன் குமார், தன்னிடம் உணவு இல்லாமல் அமைதியாக இருப்பதை அவன் கவனித்தான். குமார் அன்று காலை அவசரமாகப் பள்ளிக்கு வந்ததால் உணவுப் பெட்டியை வீட்டிலேயே மறந்து விட்டிருந்தான்.

முதலில் அருண் தனது உணவை யாருடனும் பகிர்ந்து கொள்ளாமல் சாப்பிட நினைத்தான். ஆனால் குமாரின் முகத்தில் தெரிந்த சோகத்தைப் பார்த்ததும் அவனுடைய மனம் மாறியது.

அவன் தனது உணவை இரண்டு பகுதிகளாகப் பிரித்து, ஒரு பகுதியை குமாரிடம் கொடுத்தான். இருவரும் மகிழ்ச்சியுடன் உணவைப் பகிர்ந்து உண்டனர்.

அந்த நேரத்தில் அருணுக்கு ஒரு புதிய உண்மை புரிந்தது. உணவை தனியாகச் சாப்பிட்டபோது கிடைத்த மகிழ்ச்சியைவிட, அதை நண்பனுடன் பகிர்ந்து கொண்டபோது கிடைத்த மகிழ்ச்சி மிகவும் அதிகமாக இருந்தது.

அன்று முதல் அருண் தன்னிடம் இருப்பதை மற்றவர்களுடன் பகிர்ந்து கொள்ளத் தொடங்கினான். அவனுடைய நண்பர்களும் அவனை மிகவும் நேசிக்கத் தொடங்கினர்.

நீதி:

நம்மிடம் இருப்பதை மற்றவர்களுடன் பகிர்ந்து கொள்ளும்போது, பொருள் குறைவதில்லை; மாறாக அன்பும் மகிழ்ச்சியும் பெருகுகின்றன.

நினைவில் கொள்வோம்:

🌱 “பகிர்ந்து கொடுக்கும் கைகள், மகிழ்ச்சியை விதைக்கும் கைகள்.”

இன்றைய செய்திகள்

19.08.2026

🗒️15 ஆண்டு கால காத்திருப்புக்கு பிறகு மெட்ரோ ரெயிலுடன் இணைகிறது சென்னை பறக்கும் ரெயில் சேவைத் திட்டம் உறுதிப்படுத்தப் பட்டுள்ளது.

🗒️தருமபுரி மாவட்டம் பாப்பாரப்பட்டியைச் சேர்ந்த  ,உத்தரபிரதேசத்தை கலக்கும் ஐ.பி.எஸ். அதிகாரி முனிராஜிக்கு ஜனாதிபதி விருதுக்கு  தேர்வாகியுள்ளார் .

🗒️இந்தியாவின் தேர்தல் நடைமுறையை மேற்கோள் காட்டிய அமெரிக்க அதிபர் டொனால்டு டிரம்ப், அமெரிக்காவிலும் கட்டாய வாக்காளர் அடையாள அட்டையை நடைமுறைப்படுத்த வலியுறுத்தியுள்ளார்.

*விளையாட்டுச் செய்திகள்*

🏀இந்தியாவில் நடைபெற்று வரும் 2026 உலக பேட்மிண்டன் சாம்பியன்ஷிப் தொடரின் 2-வது நாள் ஆட்டங்களில்
திரிஷா - காயத்ரி இணை சாதனை படைத்துள்ளது.

Today's Headlines

🗒️ After waiting for 15 years, it has been confirmed that the Chennai MRTS (Flying Train) service will be connected with the Metro Rail network.

🗒️ IPS officer Muniraj, who is from Papparapatti in Dharmapuri district and is serving in Uttar Pradesh, has been selected for the President’s Award.

🗒️ Referring to India’s election system, US President Donald Trump has called for introducing a mandatory voter ID card system in the United States.

🏀 Sports News

🏀 On the second day of the 2026 World Badminton Championships being held in India, the Indian pair of Trisha and Gayatri has achieved a remarkable record.

Covai women ICT_போதிமரம்