6_8 மாணவர்களுக்காக சுதந்திர தின விழா கட்டுரை

 6_8 மாணவர்களுக்காக சுதந்திர தின விழா கட்டுரை
6 முதல் 8-ஆம் வகுப்பு மாணவர்களுக்கான சுருக்கமான சுதந்திர தின விழா கட்டுரை கீழே கொடுக்கப்பட்டுள்ளது. இதை மாணவர்கள் எளிதாகப் படித்து நினைவில் வைத்துக் கொள்ளலாம்.

இந்திய சுதந்திர தின விழா

முன்னுரை: நமது இந்திய நாடு ஆங்கிலேயர்களின் 200 கால அடிமைத்தளையிலிருந்து விடுபட்ட நாளான ஆகஸ்ட் 15, 1947-ஐ நாம் ஒவ்வொரு ஆண்டும் சுதந்திர தினமாகக் கொண்டாடுகிறோம். இது ஒவ்வொரு இந்தியனுக்கும் பெருமை தரும் தேசிய விழாவாகும்.

சுதந்திரப் போராட்டத் தியாகிகள்: இன்று நாம் சுவாசிக்கும் இந்தச் சுதந்திரக் காற்று நமக்கு எளிதாகக் கிடைத்துவிடவில்லை. மகாத்மா காந்தி, ஜவஹர்லால் நேரு, சுபாஷ் சந்திரபோஸ், பகத்சிங் போன்ற தேசத் தலைவர்களும், தமிழ்நாட்டைச் சேர்ந்த பாரதியார், வ.உ.சிதம்பரனார், திருப்பூர் குமரன் போன்றோரும் தங்கள் வாழ்க்கையையே தியாகம் செய்து பெற்றுத் தந்ததே இந்தச் சுதந்திரம்.

சுதந்திர தினக் கொண்டாட்டங்கள்: ஆண்டுதோறும் ஆகஸ்ட் 15-ஆம் தேதி தலைநகர் டெல்லி செங்கோட்டையில் பாரதப் பிரதமர் தேசியக் கொடியை ஏற்றி வைத்து நாட்டு மக்களுக்கு உரையாற்றுவார். நமது பள்ளிகள், கல்லூரிகள் மற்றும் அரசு அலுவலகங்களில் மூவர்ணக் கொடி ஏற்றப்பட்டு, தேசிய கீதம் பாடப்படும். மாணவர்களுக்கு இனிப்புகள் வழங்கி, கலைநிகழ்ச்சிகளுடன் விழா கோலாகலமாகக் கொண்டாடப்படும்.

நமது கடமை: சுதந்திரத்திற்காகப் போராடிய தியாகிகளை இந்த நாளில் நாம் நினைவுகூர வேண்டும். வேற்றுமையில் ஒற்றுமை என்ற உணர்வோடு, சாதி, மத பேதமின்றி நாம் அனைவரும் 'இந்தியர்கள்' என்ற ஒற்றுமையுடன் வாழ வேண்டும்.

முடிவுரை: நமது நாட்டை வல்லரசாக்கவும், அமைதியான நாடாக மாற்றவும் மாணவர்களாகிய நாம் நன்றாகப் படித்து, பொறுப்புள்ள குடிமக்களாகத் திகழ வேண்டும். நம் தாய்நாட்டைப் போற்றுவோம்! வளமான இந்தியாவை உருவாக்குவோம்!

ஜெய் ஹிந்த்!