ஜூன் 2023 வங்கி விடுமுறை தினங்கள் : 12 நாட்கள் வங்கிகளுக்கு விடுமுறை!

ஜூன் 2023 வங்கி விடுமுறை தினங்கள் : 12 நாட்கள் வங்கிகளுக்கு விடுமுறை!

வருகிற ஜூன் மாதத்தில் எந்தெந்த நாட்களில் வங்கி விடுமுறை வருகிறது என்று இங்கே பார்க்கலாம்.

வங்கி என்பது நமது பணத் தேவையைப் பூர்த்தி செய்யும் முக்கியமான இடமாகும். வங்கிகளில் சேமித்து வைத்துள்ள பணத்தை எடுக்கவும், கடன் பெறவும் மற்ற பணப் பரிவர்த்தனைகளுக்கும் வங்கிகள் நம் வாழ்வில் முக்கிய அங்கம் வகிக்கின்றன. வங்கிகள் இயங்கும் நேரம் பற்றி நாம் தெரிந்து வைத்திருக்க வேண்டும். அப்போதுதான் நம்முடைய பணப் பரிவர்த்தனைகளை முன்கூட்டியே திட்டமிட்டு அதன்படி செயல்படலாம். இதன் மூலம் தேவையற்ற அலைச்சலையும் நேர விரயத்தையும் தவிர்க்கலாம்.

வங்கிகளின் வேலை நாட்கள், விடுமுறை தினம் ஆகியவற்றை முன்கூட்டியே தெரிந்துகொள்வது சிறந்தது. அந்த வகையில் இன்னும் சில நாட்களில் தொடங்கவிருக்கும் ஜூன் மாதத்தில் எத்தனை நாட்கள் வங்கிகள் இயங்கும், எத்தனை நாட்களுக்கு விடுமுறை என்று பார்க்கலாம் வாருங்கள்.

சனி - ஞாயிறு விடுமுறை!

ஒவ்வொரு மாதமும் வங்கிகளுக்கு இரண்டாம் சனிக்கிழமை, நான்காம் சனிக்கிழமை விடுமுறை அளிக்கப்படுகிறது. அந்த வகையில் ஜூன் 10 மற்றும் ஜூன் 24 ஆகிய இரண்டு நாட்கள் விடுமுறை. அதேபோல, ஞாயிற்று கிழமைகள் விடுமுறை என்பதால் ஜூன் 4, 11, 18, 25 ஆகிய நான்கு நாட்களும் வங்கிகளுக்கு விடுமுறை அறிவிக்கப்பட்டுள்ளது.

பொதுவான விடுமுறைகள்!

ஜூன் மாதத்தில் நாடு முழுவதும் பொதுவான விடுமுறைகள் இல்லை. மேற்கூறிய ஞாயிறு மற்றும் சனிக்கிழமை விடுமுறைகள் மட்டுமே உள்ளன. ஜூன் 29 பக்ரீத் பண்டிகை வருகிறது. ஆனால் அனைத்து மாநிலங்களுக்கும் விடுமுறை கிடையாது.

மற்ற விடுமுறைகள்! (உள்ளூர் விடுமுறை)

ஜூன் 15 - மிசோரம், ஒடிசா
ஜூன் 20 - ஒடிசா, மணிப்பூர்
ஜூன் 26 - திரிபுரா
ஜூன் 28 - மகாராஷ்டிரா, ஜம்மு & காஷ்மீர், கேரளா

ஜூன் 29 - பல மாநிலங்கள்
ஜூன் 30 - மிசோரம், ஒடிசா