விமானத்துறையில் +2 மற்றும் பட்டப்படிப்பு முடித்தவர்களுக்கு 'பலே' வாய்ப்புகள்!

 விமானத்துறையில் +2 மற்றும் பட்டப்படிப்பு முடித்தவர்களுக்கு 'பலே' வாய்ப்புகள்!

+2 முடிவுகளுக்குப் பின் கட் ஆஃப் அதிகமாக இருந்தாலும் சரி கம்மியாக இருந்தாலும் சரி, பெரும்பாலான பெற்றோர்கள் பிள்ளைகளை பொறியியல் படிப்பில் சேர்த்துவிட நினைக்கிறார்கள்.

இன்ஜினியரிங் படித்தால் கைநிறைய சம்பாதிக்கலாம் என்பது அவர்களின் நம்பிக்கை.

மருத்துவத் துறையா? அது வேற டிப்பார்ட்மெண்டு! இந்த இரு துறைகளைத் தவிர்த்து மரியாதைக்குரிய, அதிக வேலைச்சுமை இல்லாத, கைநிறைய வருமானத்தைக் கொடுக்கும், வேலைவாய்ப்புகளை வழங்கும் துறைகள் இருக்கவே இருக்கின்றன - இதில் முக்கியமானது "விமானத் துறை!"

விமானத் துறை என்றால் பைலட் டிரெயினிங் மற்றும் ஏர் ஹோஸ்டஸ் பயிற்சிகள் மட்டுமல்லாது, பைலட்டுடன் இணைந்து செயல்படும் ஃப்ளைட் டிஸ்பாட்சர், விமானத்திலிருந்து தகவல் பரிமாற்றம் செய்ய உதவும் ரேடியோ டெலிபோனி பயிற்சிகள், பயணம் மற்றும் சுற்றுலா பற்றிய படிப்புகள், விமானம் மற்றும் விமான நிலைய மேலாண்மை பற்றிய படிப்புகள் என எண்ணற்ற பிற தேர்வுகளையும் இந்தத்துறை வழங்குகிறது.

இந்த படிப்புகளில் சேர, உயர்நிலை வகுப்பில் அதிக மார்க் எடுக்கவேண்டிய அவசியமும் இல்லை. எம்பிஏ ஏவியேஷன், பிபிஏ ஏவியேஷன் மற்றும் பிஎஸ்சி ஏவியேஷன் போன்ற தொழில்முறை படிப்புகள் கற்பதால் விமான நிறுவனங்களில் மட்டுமல்லாது, 5-ஸ்டார் ஹோட்டல்கள் மற்றும் கஸ்டமர் கேர் நிறுவனங்களிலும் பணிபுரியலாம்.

இந்தியா மட்டுமல்லாது உலகெங்கிலும் உள்ள விமான சேவை நிறுவனங்களிலும், அல்லைய்ட் மக்கள் சேவை மையங்களிலும் பணிபுரியும் வாய்ப்பும் கிடைக்கிறது. மேலும், மற்ற தொழில்முறை படிப்புகளுடன் ஒப்பிடுகையில் இதற்கு ஆகும் செலவும் குறைவே!

விமானத் துறை