அண்ணா பல்கலைக்கழக அரியர் மாணவர்களுக்கு மீண்டும் தேர்வெழுத அரிய வாய்ப்பு!

அண்ணா பல்கலைக்கழக அரியர் மாணவர்களுக்கு மீண்டும் தேர்வெழுத அரிய வாய்ப்பு!

2001-02ம் கல்வியாண்டிற்கு பிறகு படித்த மாணவர்கள் 3 வது செமஸ்டர் தொடங்கி அரியர் வைத்திருந்தால், நடைபெறவுள்ள செம்ஸ்டர் தேர்வில் கலந்து கொள்ளலாம் என சிறப்பு அனுமதி வழங்கி உத்தரவிட்டுள்ளது அண்ணா பல்கலைக்கழகம்.

அதன்படி, மாணவர்கள் தேர்வுக்கடணத்துடன் சேர்த்து ரூ.5000 கூடுதலாக செலுத்த வேண்டும். அரியர் தேர்வுகளுக்கு விண்ணப்பிக்க விரும்பும் நபர்கள் www.coe1.annauniv.edu என்ற இணையதளத்தில் நவம்பர்.23 முதல் டிசம்பர் 3ம் தேதிக்குள் விண்ணப்பிக்கலாம்.

மொத்தம் 9 தேர்வு மையங்களில் இந்த தேர்வுகள் நடக்கவுள்ளது. லயோலா ICAM இன்ஜினீயரிங் காலேஜ், விழுப்புரம் இன்ஜினியரிங் கல்லூரி, ஆரணி இன்ஜினியரிங் கல்லூரி, சேலம் அரசு பொறியியல் கல்லூரி, கோவை அண்ணா பல்கலைக்கழக கிளை , ஈரோடு அரசு பொறியியல் கல்லூரி, திருச்சி என்ஜினியரிங் கல்லூரி, மதுரை அண்ணா பல்கலைக்கழக கிளை, திருநெல்வேலி அண்ணா பல்கலைக்கழக கிளை உள்ளிட்ட இடங்களில் தேர்வு மையங்கள் உள்ளது. மாணவர்கள் இதில் ஏதாவது ஒன்றை தேர்வு செய்து கொள்ள வேண்டும்.

தேர்வுக்கட்டுப்பாட்டு அதிகாரி, அண்ணா பல்கலைக்கழகம், சென்னை- 25 என்ற முகவரிக்கு DD அல்லது ஆன்லைன் மூலம் கட்டணம் செலுத்தலாம். தேர்வு எழுதவுள்ள பாடங்களை மாணவர்கள் விண்ணப்பித்து உறுதி செய்து கொள்ள வேண்டும்.

விண்ணப்பிக்கும் வழிமுறைகள்

STEP 1 : https://coe1.annauniv.edu என்ற அண்ணா பல்கலைக்கழகத்தின் அதிகாரபூர்வ இணையதளம் செல்லவும்.

STEP 2 : Reg-Preview பகுதியை தேர்வு செய்து உங்கள் விருப்ப தேர்வு மையத்தை செலக்ட் செய்த பின்னர் பதிவு படிவத்தை டவுன்லோட் செய்து கொள்ளுங்கள். தேர்வு மையத்தை தேர்வு செய்யும்போது யோசித்து செய்யுங்கள். ஒரு முறை தேர்வு செய்து விட்டால் மாற்ற முடியாது.

STEP 3 : படிவத்தில் குறிப்பிடப்பட்டுள்ள பாடப்பிரிவிகளை முழுமையாக சரிபார்த்து கொள்ளுங்கள்.

STEP 4 : அதில் ஏதாவது திருத்தம் அல்லது நீக்கம் இருந்தால் அதை சரிசெய்து உங்களின் தேர்வு மையத்தில் ஒப்படைக்க வேண்டும்.

STEP 5 : தேர்வு கட்டணம் மற்றும் சிறப்பு கட்டணத்தை ஆன்லைன் மூலமாகவும் கட்டலாம். Controller of examinations , anna university , chennai - 600025 என்ற முகவரிக்கு DD வழியாகவும் செலுத்தலாம்.

STEP 6 : நீங்கள் கட்டணம் கட்டியதற்கான ரசீது மற்றும் உங்களது பதிவு படிவத்தை சேர்த்து உங்கள் தேர்வு மையத்தில் ஒப்படைக்க வேண்டும்.