சிலிண்டர் முதல் ஏடிஎம் வரை.. ஜனவரி 1 முதல் எல்லாமே மாறப்போகுது.. இதோ மொத்த லிஸ்ட்.!!!

ஒவ்வொரு மாதத்தின் தொடக்கத்திலும் புதிய விதிமுறைகள் மற்றும் விலை ஏற்ற இறக்கம் என பல்வேறு விதிகள் அமலுக்கு வருகின்றன.

அதிலும் தற்போது புத்தாண்டு என்றால் சொல்லவா வேண்டும். இதில் பெரும்பாலான விதிமுறைகள் மக்களே நேரடியாக பாதிக்கும் வகையில் உள்ளது. அதன்படி ஜனவரி 1 முதல் மாறவிருக்கும் புதிய விதிமுறைகளை பற்றி இனி விரிவாக பார்க்கலாம்.

ஏடிஎம் பரிவர்த்தனைக் கட்டணம்:

ஏடிஎம் பரிவர்த்தனைக் அதற்கான கட்டணத்தை ரிசர்வ் வங்கி உயர்த்தி அறிவித்துள்ளது. இந்த புதிய கட்டணம் ஜனவரி 1-ஆம் தேதி முதல் அமலுக்கு வருகிறது. இலவச வரம்புக்கு மேல் ஏடிஎம்மில் பணம் எடுக்க 20 ரூபாய் கட்டணம் இது வரை வசூல் செய்யப்பட்டு வந்தது. இனி ஜனவரி 1-ஆம் தேதி முதல் இருபத்தி ஒரு ரூபாய் கட்டணம் வசூலிக்கப்படும் என்று ரிசர்வ் வங்கி அறிவித்துள்ளது.

கேஸ் சிலிண்டர் விலை:

ஒவ்வொரு மாதத்தின் தொடக்கத்திலும் சமையல் கேஸ் சிலிண்டர் விலை உயர்த்தப்பட்டு வருகிறது. எனவே ஜனவரி மாதத்தில் கேஸ் சிலிண்டர் விலையில் பெரிய மாற்றத்தை எதிர்பார்க்கலாம்.

தபால் வங்கி:

இந்தியா போஸ்ட் பேமெண்ட் வங்கி வாடிக்கையாளர்கள் ஜனவரி 1-ஆம் தேதி முதல் 10 ஆயிரம் ரூபாய்க்கு மேல் பணம் எடுக்கவும், படம் போடவும் கட்டணம் செலுத்த வேண்டும் என்று அறிவிக்கப்பட்டுள்ளது.

ஐசிஐசிஐ வங்கி:

தனியார் வங்கியான ஐசிஐசிஐ வங்கி சேமிப்பு கட்டணங்களுக்கான சேவை கட்டணத்தை ஜனவரி 1-ஆம் தேதி முதல் மாற்றியுள்ளது.

ஆடைகளின் விலை உயர்வு:

ஜவுளி பொருட்களுக்கான ஜிஎஸ்டி விகிதம் 5 விழுக்காட்டிலிருந்து 12 விழுக்காடாக உயர்த்தி மத்திய அரசு அறிவித்துள்ளது. இந்த புதிய வரி விகிதம் ஜனவரி 1-ஆம் தேதி முதல் அமலுக்கு வருகிறது. அதனால் ஆடைகளின் விலை உயரும் என்று எதிர்பார்க்கப்படுகின்றது.

EPF நாமினி சேர்த்தல்:

டிசம்பர் 31, 2021-க்குள் EPF நாமினேஷனை முடிக்க வேண்டும் . இது போன்ற சுமூகமான செயல்முறையை வருங்கால வைப்பு நிதி அமைப்பு கேட்டுக் கொண்டுள்ளது. அதன்படி, EPF சந்தாதாரர்கள் இறந்து விட்டால், அவரது நாமினி ஆன்லைனில் எளிதாக உரிமைகோரலை தாக்கல் செய்யலாம்.

ஜிஎஸ்டி மாற்றங்கள்:

ஆன்லைன் வழியாக முன்பதிவு செய்யப்படும் பயண கட்டணங்களுக்கு 5% ஜிஎஸ்டி வரி விதிக்கப்பட உள்ளதால் ஜனவரி 1-ஆம் தேதி முதல் ஆம்னி பேருந்துகள், ஓலா மற்றும் ஊபர் டாக்ஸி, ஆட்டோக்களில் பயண கட்டணம் உயரும் அபாயம் ஏற்பட்டுள்ளது. ஜிஎஸ்டி வரி விதிப்பில் மத்திய அரசு கொண்டு வந்துள்ள மாற்றங்கள் ஜனவரி 1ம் தேதி முதல் அமலுக்கு வருகிறது.